Լոռու տարածաշրջանային պետական քոլեջը հիմնադրվել է 1970 թվականին՝ ի սկզբանե որպես առևտրի տեխնիկումի Կիրովականի մասնաճյուղ։ 1971 թվականին այն վերածվել է Կիրովականի առևտրատնտեսագիտական տեխնիկումի, 1987-ից վերանվանվել Կիրովականի տեխնոլոգիական տեխնիկում, իսկ 2002 թվականից դարձել է Վանաձորի պետական տեխնոլոգիական քոլեջ։ 2011 թվականից հաստատությունն իր ներկայիս անունն է կրում։
Ուսումնական հաստատությունն ակտիվ համագործակցում է մարզի 41 գործատուի հետ, որոնք աջակցում են ուսանողների մասնագիտական զարգացմանը։ Համագործակցության շրջանակում կազմակերպվում են պրակտիկաներ և փոխադարձ այցելություններ, ինչը նպաստում է գիտելիքների գործնական կիրառմանը։
Այստեղ իրականացվում է դուալ ուսուցում, որն ուսանողներին հնարավորություն է տալիս միաժամանակ թե՛ տեսական գիտելիքներ ձեռք բերել, թե՛ աշխատաշուկայում պահանջված հմտություններ զարգացնել։
Քոլեջը սերտ կապեր ունի նաև միջազգային ավելի քան 20 կազմակերպության հետ և ակտիվորեն մասնակցում է ERASMUS+ ծրագրերին՝ նպաստելով կրթության որակի բարձրացմանը և միջազգային փորձի փոխանակմանը